وغبت

صباح الغياب
هذا الاسبوع يفوز بأاكثر اسبوع فاضي ومريح 
ادري هذا الاسبوع او الاسبوع الجاي بالكثير حيجينا الكرف والاختبارات

المهم ماعلينا
قلت لكم انه غيرنا فصلنا ؟
بدلونا مع ثوالث وضربو الفصول كلها بوية وردية<<الرومنسية ذابحتهم
المهم قلت لكم انه عددنا تقريبا بين 45 و50
ايه كان عددنا كذا وكان تقريبا في بنات يجلسون 2 او 3 على ماصة وحدة
ماكان يفرق كثير لاننا كنا على مجموعات
الحين جابو لهم ماصات وكل بنت صار لها ماصة لحالها
والنتييجة فصل ماوسع لهم كله ماصات 
لين ماشافو انا حل سوى لنا تنظيم غبي رتبونا على هيئة صفوف بدل المجموعات وصار صفين عند الجدار كلهم اثنين اثنين
والصف الي في الوسط(الي انا فيه) خلوه ستة ستة!!
الي يشوف الفصل من برا بينفجع تقول جيش حسبي الله بس
اشوا كله من الادارة مفروض نكون 6 فصول زي دفعة الي قلبنا والي قبلها بس حسبي الله وش نقول عنهم

..........................



هاليومين حملت كتاب ثمانون عاما من اول صفحة بديت منها تعلقت بالرواية 
فعلا القصة غريبة كل االناس تتمنى لو يوقف نموها في شبابها ولاتكبر ولاتعجر ابدا!
لكن هذا شخص يشوفها كنقمة عليه وموكنعمة
لكن صراحة اتوقع لو انه بنت ماكان قال ذا كلام البنات هم اكثر ناس يهمهم ذا الموضوع 

المهم ملخص رواية عن معاناة الي يعانيها شخص بعمر 30 عالق بجسد مراهق ذا 18 ربيعا
شطحة<<<احس القصة تشبه قصة المحقق كونان
صراحة رواية جميلة واحس اني ما ودي اخلصها بسرعة

الله شفتو الكشخة والخط؟

جمييل ادري ادري مايحتاج<ظاهربيجيني كف الحين

وشسمه هذا تيتشر طلبت مننا نحفظ كلمات وحدتين بالكتاب وراح تختبرنا فيهن شفوي 

هذي الورقة كلها على درسين من الوحدة الاولى ولسا الباقي اكثر من كذا

واللهي لو انا ماكنت ابغ اتعلم انجليزي رغبة مني ما كنت ذاكرت اصلا

حطيت جدول متابعة جديد وذي مرة ابي انوع ابدا بكوري واركز بعد بالانمي وافلام دزني
كلهم حطيتهم بالقائمة الطويلة زي ما انتم شايفين
وشسمه امس البارح صديقتي قالت لي عن تطبيق رهيب اسمه مسلسليكو اشوا من زمان كنت ادورله
المهم اني حطيت قائمة للمتابعة وان شاء الله ما اسحب عليها وبأشد حيلي عشان اخلصهن كلهن<<<هذا بدال ماتقولين بأشد حيلي بالمذاكرة

............................

وش سالفة لاب توبي هاذا الايام ما اعرف صاير يعلق كثير وخصوصا لارحت افتح مجلد ولا ابي اركب ترجمة على فديو حتى ماصرت اقدر اتابع شي صرت ااتابع من جوال من كثر ماهو غثيث
قاعدة ادور له حل غير الفرمته وان شاء الله يارب الاقي

..................................


من فترة طويلة كنت اتابع مدونة لانسانة ماقد شفت احد بذا الامل والتوكل على الله وتفاؤل 
هذي انسانة تحكي قصتها مع مرض السرطان بكل تفاؤل وقوة ارادة وتوكل 
فيها من الفرح والامل الي ماتوجد حتى في الاصحاء ومتعافين
صدق هذي الانسانة كل ما اقرا مدونتها ينشرح صدري وتبث فيك الامل وتفاؤل ورضا  

هذا رابط مدونة
ما زال مرض السرطان يحاول كسر قوتي ومازالت قوتي بالله كبيرة