ذكريات طفولة

ومالسعادة الا بيد الله❤❤

ومسائكم الله بالخير يالربع

اليوم صحيت الصبح على خبر مروع الا وهو كنسلة هانيبال




صددق للحين مني مستوعبة يعني المسلسل تقيمه عالي وجماهيره كثيرة بعد  قناة NBC تدور عذر عشان توقفهلو صدق جماهيره قليل زيما يقولون ماكان وصل للترند بتويتر
قسم الواحد مايدري وش يقول 

.....

اليوم طلع حلقة مسامير وانصدمت يوم جابو طاري جون سنو وسالفته ذيك خلاص انا شكلي كذا

 

(ما ابغ احرق الي ما انحرق عليه ينحرق عليه الان ما عني  اشك في احد بقي ما انحرق عليه اصلا )
احس فانز قيم مايحسون براحة الا لمن يحرقون 
عن نفسي تابعت قيم واهم الاحداث انحرقت علي وبالعمد
يعني الواحد لا جا يتابعه لازم يعتزل العالم ويقفل غرفته ويرمي الجوال ولا يفتح اي مواقع تواصل اجتماعي عشان يتابعه بكل اريحية وراحة
(ترا للحين ماشفت الحلقة الاخيرة بس انحرقت علي )

.......
وشسمه تذكرون الايام الابتدائي حركات الاتوجرافات ذيك  المهم
 اليوم وانا ادور في الكتب لقيت اتوجرافي الكشخة الي من الابتدائي

هذا هو
اذكر انه امي اعطتني اياه هدية في سادس ابتدائي وماتدري انه قد كنت وانا افكك الادراج وشفت الهدية وسويت نفسي ما ادري 
لين ما اعطتني اياه وسويت نفسي متفائجة وكذا
المهم هذا اتروجاف كنت افتخر فيه صرت اجيبه بسبب او بدون سبب
بنسبة لي كشخخة ماحد اذكر كان عنده مثله وكلن من وين اشتريتيه 

ايه ياحليلي من يومي وانا انسانة متسامحة ماشاء الله علي <<انقلعي
شي الوحيد الي مافهمته في رسالة وش دخل البيبسي في الموضوع !
المصيبة بعد سنتين قابلتها ورويتها الكلام الي كتبته قالت لي وش دخل البيسبسي 
يختي انا وش الي يدريني انا الي كاتبته والا انتي !!
المهم هذا لغز مازال غامض ليومكم  ذا ماحد عرف يحله 

شفتو طؤية هذي اهم شي فيها عاد
مكتوب (تبي تزعلي افتحي ماتبي ولا تفتحي)
مكتوب جوته

(كيف حالك يحيى ..قلتلك ههههه)

عقدة حياتي ذي تقريبا لا جيت اسلم لاحد وا اقول له اسمي على طول اسمع جملة سامجة(اسمك لميس؟وين يحيى!)
عاد تخيلو كم مرة اسمع ذي سماجة في اليوم !لين خلاص صرت افقد اعصابي لا سمعت كلمة يحيى
عقدوني بأسمي حسبي الله 
 خلاص عاد يصير شكلي كذا 

..

ياحليلها بس 

باين عليها انها تعبت في رسمة القلب

للاسف من بعد الابتدائي ما شفتها اتمنى بس تكون بخير 

(النوم الهنيأ في الاحلام)

كيف تركب ذي!!

لا صدق كيف!!

هذا لغز اخر  ظاهر !

هذي صديقتي من المتوسط 

هذي البنت فلاوية صدق

بتلاحظون انها كتبتن كوريا فوق يسار صفحة هذا لاني انا وياها كنا نتابع الكورين ونخق عليهم كنا ماغير سوالفنا عن ذولا الكورين اما الحين تغيرت تقريبا صرت اكره اتابع المسلسلات الكورية مدري ليش

(اسفة الصورة مهيب راضية تميل)

هذي صديقة ثانية من الابتدائي 

يا يحيى ذا الي صدعتو فيه رأسي

هذي الا يومكم ذا مجهولة كل اي اعرفه انه اسمها يبدأ بحرف A

يختي ليه تعبتي نفسك وقلب وذا واخر شي (من انا)

رسالة لبنات الابتدائي لاتحسبون نفسكم كشخة وتسون ذي الحركة

مع اني اتوقع انه انتهى ذا زمان وصرتو بالجوال ماعاد صار فيه ذا الحتسي اصلا

الخط والالوان والرسم متعوب عليه صدق

مع اني كانت علاقتي معها رسمية جدا لانها كانت دافورة في الابتدائي ماشاء الله وماتحب اللعب مع البنات وعاقلة ورزينة من يومها ماشاء الله

بالمناسبة لقيتها بعدين هذيي سنة في ثانوي لقيتها مااشاء الله نفس طبيعتها في الابتدائي ماتغيرت

هذي اكشخ رسالة 

صاحبتها معاي من المتوسط لين الحين 

علاقتي معها رسمية ودية جدا 

هذي عاد سالفة ثانية

صاحبة هذي رسالة هي صديقة طفولتي من سنة ثالث ابتدائي

عاد اذكر اول مرة التقيت فيها طلعت تجلس جمبي قررت اني ما اعطيها وجه لسبب مجهول 

بس ماش يومين الا وتعرفنا على بعض واكتشفنا انه نتشابه بالاسم الأب

عليها سوالف الحريم مااشاء الله وهي توها سنة ثالث وانا ما غير اسمع لها وجهي كذا 

صراحة عندي ذكريات جمييلة جدا معها وللحين وهي برأسي 

تخيلو عاد انه افترقنا في المتوسط وبعد قابلتها في سنة هذي بالثانوية ماعاد ماحطيت برأسي وفقدت الامل اني اشوفها مرة ثانية

كانت صدمة جميلة بصراحة

لكن المشكلة مع هذا كله كل الي قلتلها السلام عليكم كان ودي ادخل واسولف معها واسألها عن الي صارلها بسنين الي افترقنا فيها لكن المشكلة انها دايم مع شلتها اكره ادخل عرض بينهم 

واصلا حتى السلام اسوي نفسي ما اشوفها عشاني استحي استلم

(هذي صفة فيني خلقة استحي اسلم على ناس الغريبين اشوف احسن حل اني اسوي نفسي ما اشوفهم) 

على العموم اصدقاء الطفولة لهم ذكرى خاصة في القلب 

^

^

لو اهلي قرؤ ذا الكلام الي كتبته بيحسبون في بلا ولا شي دايم يشوفوني الباردة الي ماعندها مشاعر 

(ملاحظة: هذي تدوينة قعدت فاكتها من امس الفجر ولمن المغرب خلصت منها يعني مرة متعوب عليها)

صياما مقبولا وافطارا شهيا