ياصباح الخير❤❤
من زمان عن تدوين ✌❤
قسم متحممسة للعيد اصور واتكلم عن يوم العيد بس مرضت وربي ما قدر
المهم وشسمه عيدكم مبارك وكل عام وانتم بخير حتى لو كانت متأخرة
هذي المرة قضينا العيد في المدينة (اول مرة)💓
اقدر اقول انها اجواء في قمة الروقان والهدوء😎
ان شاء الله الاعياد الجاية نقضيها في سفرات خفيفة زي كذا
ودي احط صور المدينة والمعرضين حق اسماء الله الحسنى وسيرة الرسول صلى الله عليه وسلم بس في تدوينة ثانية ان شاء الله (هذا اذا ما سحبت)
وشسمه عندي اشياء كثير ابغ اتكلم عنها وما ادري من وين ابدأ؟!
ايه حابة اتكلم عن الحالة الي تجيني كل سنة وقبل المدرسة بشهر
الا وهي اني متحمسة للمدرسة!!
كنت ايام المتوسط والابتدائي اعتبر الموضوع طبيعي جدا بس الحين لا !
من بعد ما دخلت الثانوية شفت وفهمت معنى الككرف الصدقي قلت مستحححيييل اشتاق للمدرسة بعد كذا!
ولكن(ويالسخرية القدر)
قاعدة افتح يوتيوب واكتب (الاستعداد للمدرسة)!!
مادري بالضبط ليش بس اتوقع لاني اخذت كفايتي بالاجازة
صح في اشياء كثي ماسويتها مثل كتب كثيرر وافلام كنت مخططة اخلصهم في الاجازة
بس ماشي هذي الاشياء يمدينا اسويها حتى ايام المدرسة!!
وبالعكس استمتع فيها اكثر ايام الدراسة ليييييش؟
لانه في الاجازة يصير امل بسررعة ويصير ذوقي صععب ومن مجرد ما ابدا افتح كتاب وابدا بالفلم تلاقيني امشي او اسحب!!
عكس ايام دراسة تلاقيني اتابع الفلم واستمتع بالفيلم والكتب
وعلى طاري الكتب
اليوم ان شااء الله بنروح جرير
كل ما اتذكر جرير تقوم رجولي تنتفض من الحماس !
مدري اخر مرة بالظبط رحتلها اخر مرة بس كان من فترة طويلة
مو الموضوع انها بعيدة او شي زي كذا
بالعككس!
قريبة جدا من بيتنا وفرع ذا في مول
بس المشكلة مو هنا
المشكلة هذا المول اهلي مايروحله الا لبنده(سوبر ماركت)
ولانهم يحبون يروحون وقت بالظهر بالذات بحجة انه مافي زحمة وكذا وقتها تكون جرير مقفلة
واحيانا نروح على عصر وتكون مفتوحة وكل شي لكن امي تصر انه خلينا نخلص من بنده وبعدين نروح مع بعض وما يمدينا نخلص الى وابوي يدق ويقول انزلو للسيارة
وهذا شي صار روتيني جدا افررح واستانس واتحطم بعدين
عشان احاول الحين اني ماتحمس كثير
المهم اذا رحنا باذن الله راح اتكلم لكم عن الكتب الي اشتريتها قدني من الحين كتبتهم بورقة وحسبت الحساب حقهم وحطيت احتياطات اذا مافي كتاب الفلاني واش راح اشتري بداله وكذا
يالله بس تكتبلي هذي خرجة والاقي كتبي الي ابغاها ييارب
ايه هذي شهرين الاخيرة قضيتهم تقريبا بدون مواقع تواصل اجتماعي !!
يعني يمكن في يوم 16 رمضان على ما اضن حذفت مواقع التواصل الاجتماعي (انستا وتويتر واستقرام وسناب ووو) ما عدا الواتس لانه يمكن احد يبغاني ضروري اوشي زي كذا (على اساس اني شخصية مهمة)المهم حتى الاخير في الاصل ناادراا ججددداا اتكلم فيه مع احد ودايم احاول ما افتح سالفة مع احد فيه الا لسبب مهم او طارئ لسبب بسيط جدا انه اصابعي الكريمة مالها حيل تمسح الجملة ستين مرة عشان ازرار لوحة مفاتيح صغيرة!!
شي مررههق ومتعب جدا !!
ماعدا طبعا ماشاء الله الاب توب بالعكس ممريح جدا الكتابة فيه
اوكي كانه طرنا بعيد
ايه يوم خلص رمضان وجا اول يوم عيد قررت ارجع احملهم يوم بديت اندمج واقلب بسناب حسيت ششعورغرييبب بالذنب والضيق
احس اني قاعدة اضيع حياتي اتابع الناس وش لبسو وش اكلو واشياء ماتهم غالبا مجرد اهدار للوقت كان مفترض استمتع فيه وغير كذا حسيت بالفرق
كيف اول يخلص اليوم ويضيع الوقت في اشياء ما استمتع فيها اصلا وبدل مااقرا رواية احبها وا فيلم اتفرجه او اي شي اقوم اشوف سنابات الناس وتغريداتهم وكاني اعيش حياتهم مو حياتي
المهم تجيني وسوسة اني قاعدة اعيش حياتي بنظرة ناس لي !!
فمثلا اجبر نفسي اسوي اشياء ما احبها عشان اصوره عشان الاقي ردة فعل من ناس
بأختصار باصير اشوف الحياة من زاوية الناس مو من زاويتي
هذا اكثر شي ااخافه على نفسي
المهم من بعدها حذفت الممواقع التواصل للمرة ثانية
وبعدها بستة ايام انسحب الجوال طبعا لاسباب واهية جدا وغير مقنعة بالمرة مثل انه عيونك راح تنحول من كثر ماتقرين الكتب منه اقري على الايباد او الاب
لكن في نفس الوقت اصلا كنت ناوية ارفعه مني عشان اتحكم بوقتي وان كنت ما ابيه ينرفع بذي طريقة
لكن في نفس الوقت اشوف الوضع كذا افضل القراءة من الاب بالاخص انه كبير واحسه منظم اكثر
لكن في نفس الوقت افتقد جوالي في الخرجات طويلة في سيارة بالاخص اني ككنت دايما هذا الوقت بقراءة رواية او شوفة مسلسل
لكن قررت اصلا اشتري الكتب من مكتبة اريح لي ولعيني واشيله اي مكان حتى للمدرسة واخيرا ماتنسحب
طبعا اقدر احاول واجرب اطلب جوال واتوقع اهلي ماراح يرفضون لكن انا نفسي ماني متاكدة وافكر انه لاب توب مكفي واكثر من كذا راح يصير ادمان روتين ممل وضياع وقت
تدوينة غير منظمة ادري الافكار داخلة ببعضها البعض
المهم نكمل بعدين بتدوينة ثانية وسلامتكم😎
ليست هناك تعليقات:
إرسال تعليق